सानो इभि खोज्नेलाई एमजी कोमेट, २३० किमि रेन्ज, नेपाली बजारमा कहिले आउला ?

 

एमजी (मोरिस ग्यारेज)ले सानो इभि पारखीको लागि विद्युतीय कार बजारमा उतारेको छ । केहि दिन अघि मात्रै एमजी इन्डियाले सिटीका लागि लक्षित गर्दै विद्युतीय कार कोमेट सार्वजनिक गरेको हो ।

एमजिका जेटएस इभिले अन्तराष्ट्रिय बजारमै सफलता पाएपछि नेपालमा समेत आउने सम्भावना रहेको कोमेटलाई बजारमा ल्याएको कम्पनीले जनाएको छ । नेपाली बजारमा एमजि जेटएस इभि लोकप्रिय छ ।

हाल एमजीले सय किलोवाट मोटर क्षमता भएको एमजि जेट एस बजारमा उतारेको छ ।

एमजीले ल्याएको कोमेटको सुरुवाती मूल्य ७ लाख ९८ हजार भारु तोकिएको छ । जुन नेपाल आउँदा ३० देखि ३५ लाख रुपैयाँमा यो गाडी ग्राहकले पाउने अनुमान गरिएको छ ।

कस्तो छ कोमेटर गाडी ?

पछिल्लो समय गाडी उत्पादक कम्पनीहरु सिटिलाई लक्षित गर्दै सानो इभि बनाउन लागेका छन । सोहि अवधारणा अनुरुप कोमेट इभि बजारमा आएको छ । यो गाडीमा १७.३ किलोवाट आवरको लिथियम आयत ब्याट्री दिइएको छ । कोमेटमा रहेको मोटरले ४२ पीएस र ११० एनएम टर्क जेनेरेट गर्ने कम्पनीले जनाएको छ ।

यो गाडी एक पटकको फुलचार्जमा २ सय ३० किलोमिटर रेन्ज दिने कम्पनीले दाबी गरेको छ । ३.३ किलोवाटको चार्जरबाट १० देखि ८० प्रतिशतसम्म चार्ज हुन ५ घण्टा र सय प्रतिशत चार्ज हुने ७ घण्टा लाग्ने बताएको छ । सिटी कारका रुपमा डिजाइन गरेर बनाइएको यो गाडीको लुक्स आकर्षक बनाइएको छ ।